بلاوي البلاك بيري

--------------------------------------------------------------------------------

حياك يالي دخلت تفضل وياليت تقرأ وانت ساكت

ترى السالفه فيها بلاك بيري والي ماهو قد البلاك بيري لايلحسه كله


شباب يسولفون عند شايب عن البلاك بيري (قالهم اذا فيه بهارات واجد لاتجيبونه)
انا ما اكل الا خفايف


ياعيني على النيه الصافيه فديت الشيبان وربي لايحرمنا منهم



ماعلينا انا بالعربي اليوم ناوي اجيب العيد يا انا يالبلاك بيري


(-- اقول الظاهر الشعب يبون البلاك بيري وانت بقريح بالي مايردك خخخخخخخخ


خدمة البلاك بيري 00


خدمة رائعه وجميله (-- يضبط العلاقه مع البي بي

لاحظت في الاونه الاخيرة شبابنا وبناتنا الذين في عمر الزهور


قد استدلخوا وهذه الدلاخه في نمو متزايد والسبب يعود للمدعو بلاك بيري بن محسن آل كميخان

منهو البلاك بيري ومن هو ابنه المدعو بي بي (كل ما اسمع بي بي اتخيل واحد يدلع ورع عمره سنه)


البلاك بيري : هو آلة حادة تستخدم في تقطيع السلطة ومن أهم مميزاته الجري اثناء الوقوف


البي بي : هو الأبن الاكبر للبلاك بيري وهو الأبن البار والمطيع لوالده حيث ان البلاك بيري
اثناء تقطيعه للسلطه يقوم الأبن بوضع البهارات على الطعام لتزيينه وتجميله وتحسين مذاقة


ادري تقولون هذا وش يقول وش يخربط هو وراسه


جميع ماذكر فوق عبارة عن تحشيشات لزقت بمخي وحلفت الا اكتبها وانا اقول ياتحشيشات
الله يكفينا شرك مابي اكتبك وهي تقول علي بالطلاق الا تكتبني وانا اقول لاحول فكينا يرحم امك
وهي تقول والله الا تكتبني (-- مطوله السالفه يابو الشباب (لاشكلي خلصت)

المهم ماعلينا

البلاك بيري والأبن البار بي بي (اقسم الحين تذكرت الذيب الي يلحق النعامه بالرسوم
وتمر جنبه تقول بي بي وتنحاش ) اقسم اسم بي بي احس انه فاشل خخخخخخخخخخخخخ

ماعلينا المهم



البلاك بيري ومواصفاته وأهم مميزاته :

هو جهاز يستخدم للتعارف ولاتهون المغازله والترقيم الحديث (ايام قبل يوم كنت شباب
كنا اذا شفنا طرف انثى تمشي بالشارع لو برقع لحاله مافيه احد على طول ركض لاقرب محل
تكفى صديق فيه قلم وهو يهز راسه مافيه يدري ان نيتنا خبيثه ونركض للمحل الثاني والثالث
لين نلقى قلم واقرب كرتون طايح عند الباب نقطعه ونسجل الرقم فيه ونلحقها واذا رفضت تاخذ الرقم
نصفقها بالكرتون لين ماتدوخ وننحاش هههههههههه )

بس الحين بلاك بيري ماغير يناقز هو وقذلته ولابسن لي بنطلون مشقق مع ركبته
تقول مزحلق على زفلت ويمر جنب البنت يقول ممكن البي بي تقول لحظه شوي
وتطلع البلاك بيري وتعطيه وتقوله امانه بسرعه سوي الاضافه علشان ما انساك
(من كثرهم ماتدري اي واحد فيهم) خخخخ



بالنسبه لمميزاته ابد ماغير خبل الشباب والبنات وحالتهم كالأتي :


الشاب يستيقظ مبكراً من النوم قبل ان يطس لغسيل خشته ينقز نقزتاً عاليه في مستوى فني جميل
ويأخذ البلاك بيري لينظر مافاته من رسائل اثناء النوم
(لو على كيفه ماينام بس النوم غصبن عن ابوه لازقن بخشته)

يذهب الى العمل واثناء تشغيل السيارة يكتب صباح الخير (مسوي جنتل هو وراسه)

يحرك السيارة وفي اول دوران له بالشارع كيفكم يالغالين

ينحرف بالسيارة متجهاً للعمل يدخل مكان العمل المدير واقف عند دفتر التوقيع
تقول يعبي يعض الموظفين وهو جاي يتمختر على هونه قبل يحط توقيعه او بصمته
يشوف رد مجنونة الغرام او اسيرة الدجه او خبلة البنات هلا عزوز (مشالله كل الشباب اسمهم عزوز)
خخخخخ يقول هلا فيك والمدير فاتح حلقه وقع بسرعه بعدها يوقع المذكور بسم الله عليه


يروح للمكتب وهات يالقرقره والبربره والسوالف يمرون جنبه الموظفين تعال الفطور
لحظه شوي ويكتب يفطرون يصوتون للعامل تعال شيل الفطور هو توه لحظه ابي افطر

يفطر لحاله تقول اجرب وماغير منزل راسه ايد ياكل فيها والثاني يسولف


يرجع بعد الفطور نفس السالفه



لين ينتهي الدوام وتستمر هذه الحاله لحد مايدخل البيت


يبدل ملابسه وعينه على البي بي خايف تفوته لقطه هههههههههه


يطلع من البيت يروح الاستراحه وتلقون خمسه بالاستراحه متقابلين يومياً
ماحد يدري وش اسم الي جنبه مضيعين اسامي بعض مبطي ماسولفو مع بعض
ماغير كل واحد ماسك البي بي ولاهو يم الثاني


مستأجرين استراحه ومسوين زحمه ليه مدري خخخخخخخخ


المهم لين ماينام وهذي حالته


والبنات مثله ماغير يدربون روسهم كل ما احد يرسلها جيبي شاهي تمشي وعيونه على البي بي


يابنت بسرعه تصدم الجدار وتلف لين تلقى الباب وعينها للبي بي


شوي تشب النار وتمسك الابريق وتحط البلاك بيري عليه ضايعه حايسه ام الدنيا



شوي تحط الشاهي وهي تمشي ماتقول شي وعينها على البي بي


اقسم بالله حاله داجه البلاك بيري



فيه حمكه قديمه يقولون ( من زرع حصد ) ادري الحكمه مال امها داعي بالموضوع
بس جت على بالي وش اسوي ههههههههههههههههههههههههههه




تكفون يرحم والديكم اي ملاحظة عن البلاك بيري او انتقاد حطوه هنا
ناوي اطرده طرد من ديرتنا ملعون الخير خبل العالم هههههههههههههههههههه



مابي اطول عليكم زياده بس اعذروني حاقد على البلاك بيري وابي اطلع الحره فيه خخخخخخخخ



تحياتي